سندھ بھر کے بلدیاتی اداروں میں جعلی بھرتیوں کا معاملے پر وزیراعلی سندھ کے حکم پر صوبے بھرمیں تحقیقات کا حکم دے دیا گیا۔

تفصیلات کے مطابق صوبے بھر بلدیاتی اداروں میں جعلی بھرتیوں کی تحقیقات کے لیے اعلی سطح کی ٹیم مقرر کردی گئی جس کا نوٹیفکیشن بھی جاری کر دیا گیا ہے۔

 نوٹیفکیشن کے مطابق افسران کو ڈویزنل سطح پر جعلی بھرتیوں کی تحقیقات کا ٹاسک دیا گیا ہے جبکہ تحقیقاتی ٹیم میں محکمہ بلدیاتی کے اسپیشل سیکریٹری، دو ایڈیشنل سیکریٹری، سیکریٹری بورڈ اور ڈاریکٹرز شامل کیے گئے ہیں۔

نوٹیفکیشن میں مزید کہا گیا ہے کہ جعلی بھرتیوں سے متعلق اینٹی کرپشن الگ تحقیقات کر رہا ہے جبکہ جعلی بھرتیوں اور ٹرانسفر پوسٹنگز اسکینڈل میں سانگھڑ کے ڈپٹی ڈاریکٹر نورالدین ثنائی سمیت یونین کونسل سیکریٹریز کو معطل کیا گیا تھا۔

یاد رہے کہ سانگھڑ میں جعلی بھرتیوں اور ٹرانسفر کا معاملہ سیکشن افسر شمشاد چانڈیو نے اٹھایا تھا جنہیں اب صوبے سندھ میں جعلی بھرتیوں کی تحقیقات کا حکم دیا گیا ہے۔