نیشنل کاؤنٹر ٹیررازم اتھارٹی (نیکٹا) کی جانب سے پاکستان کے دارالحکومت اسلام آباد کے لئے الرٹ جاری کردیا گیا ہے۔

تفصیلات کے مطابق نیکٹا نے الرٹ جاری کیا ہے کہ اسلام آباد راولپنڈی میں دہشتگردی کا خطرہ ہے کیونکہ غیر ملکی دہشتگردوں کا ایک گروپ پاکستان میں داخل ہوچکا ہے۔

نیکٹا کے جاری کردہ الرٹ کے مطابق دہشتگردوں کا یہ گروپ جڑواں شہروں میں تخریب کاری کی کوئی کارروائی کرسکتا ہے جبکہ دہشتگرد راولپنڈی اسلام آباد سے کسی اہم شخصیت کو تاوان کی خاطر اغواء کرسکتے ہیں۔

یاد رہے کہ اس ضمن میں نیکٹا کی جانب سے آئی جی اسلام آباد سمیت متعلقہ حکام کو خط لکھ دیا گیا ہے۔