وفاقی  حکومت  نے عید الاضحیٰ پر تین چھٹیاں دینے کا فیصلہ کرلیا۔

تفصیلات کے مطابق  وفاقی حکومت نے عید الاضحیٰ پر تین چھٹیاں دینے کا فیصلہ کیا ہے۔ عید الاضحیٰ پر 31 جولائی سے 2 اگست (جمعہ، ہفتہ اور اتوار  )تک تین چھٹیاں ہوں گی۔

وزیر اعظم کے معاون خصوصی شہباز گل کا کہنا ہے کہ  عید الفطر پر زیادہ چھٹیوں کی وجہ سے لوگوں نے سفر کیا جس کی وجہ سے کورونا وائرس پھیلا اور کورونا کے پھیلاؤ سے  لاک ڈاؤن کرنا پڑا جس کی وجہ سے غرباء  کو بہت نقصان پہنچا۔

انہوں نے مزید کہا کہ  ان تمام چیزوں کو مدِنظر رکھتے ہوئے عید الاضحیٰ پر صرف تین چھٹیوں کا فیصلہ کیا گیا ہے۔

فیصلے کے مطابق عید کے تیسرے دن سرکاری ملازمین  کی چھٹی نہیں ہوگی۔