وفاقی وزیر برائے منصوبہ بندی اسد عمر نے کہا ہے کہ منظور شدہ ہیلتھ سیکٹراسکیموں پر کام کو تیز کرنے کی ضرورت ہے۔

تفصیلات کے مطابق وفاقی وزیر برائے منصوبہ بندی اسد عمر کی زیرصدارت وزارت قومی ادارہ صحت  کے تحت جاری ترقیاتی منصوبوں کا جائزہ اجلاس ہوا، جس میں سیکرٹری صحت نے اسد عمر کو اسلام آباد کیپیٹل ہیلتھ اسٹریٹجی کے حوالے سے آگاہ کیا۔

اجلا س میں وزیر اعظم کے معاون خصوصی برائے سی ڈی اے علی نواز اعوان ، سیکرٹری منصوبہ بندی ، سیکرٹری صحت اور اعلی حکام کی  شرکت

اجلاس میں پولی کلینک ہسپتال کی توسیع اور بی ایچ یوز منصوبوں پر بھی سیکرٹری صحت نے بریفنگ دی جبکہ آئی سی ٹی کے علاقے میں 200 بستروں پر مشمتمل ہسپتال کی تعمیر کے حوالے سے بھی بریفنگ دی گئی۔

اسد عمرنے کہا کہ منظور شدہ ہیلتھ سیکٹراسکیموں پر کام کو تیز کرنے کی ضرورت ہے ، تاکہ مکینوں کو گھروں کے قریب طبی سہولیات تک رسائی حاصل ہو۔

سمارٹ لاک ڈاؤن کے دائرہ کار کوبڑھایا جائے گا، اسد عمر

وفاقی وزیر برائے منصوبہ بندی اسد عمر نے مزید کہا کہ وزارت صحت پی ایس ڈی پی 21-2020 کے ذریعے دستیاب فنڈز کے موثر اور مکمل استعمال کو یقینی بنائے۔

اسد عمر نے سیکریٹری صحت کو ماہانہ بنیاد پرپیشرفت جائزہ اجلاس کرنے کی ہدایت کی تاکہ صحت کے شعبے کے ترقیاتی پورٹ فولیو کو بروقت مکمل کیا جا سکے۔