وفاقی وزیر مواصلات مراد سعید نے کہا ہے کہ  حکومت اداروں کو خسارے سے نکال کر منافع بخش بنانا چاہتی ہے۔

تفصیلات کے مطابق قومی اسمبلی میں اپنے خیالات کا اظہار کرتے ہوئے وفاقی وزیر مواصلات مراد سعید نے کہا ہے کہ ماضی میں چینی کی زیادہ قیمتوں پر کوئی انکوائری نہیں کی گئی اور جس کے تنیجے میں نواز شریف دور کے خارجہ اور دفاع کے وزیر دوسرے ملکوں میں بھی ملازمتیں کررہے۔

وفاقی وزیر کا کہنا تھا کہ موجودہ حکومت نے شفافیت کو یقینی بنانے کیلئے مشیروں اورمعاونین خصوصی کے اثاثے ڈکلیئر کئے ہیں۔

انہوں نےمطالبہ کیا ہے کہ اپوزیشن کوبھی اپنےمنتخب ارکان کی دوہری شہریت سامنے لانی چاہیئے۔