قومی اسمبلی میں انسداد دہشتگردی ترمیمی بل منظور کرلیا گیا۔

تفصیلات کے مطابق اسپیکر اسد قیصر کی زیر صدارت قومی اسمبلی کا اجلاس ہوا۔

وزیر اعظم کے مشیر ڈاکٹر بابر اعوان نے انسداد دہشت گردی ترمیمی بل 2020 ایوان میں پیش کیا تو اپوزیشن نے  شدید احتجاج شروع کردیا۔

اپوزیشن ارکان نے ایجنڈے کی کاپیاں پھاڑ دیں اور اسپیکر ڈائس کا گھیراؤ کرلیا۔

اسپیکر  اسد قیصر  کی جانب سے نعرے بازی اور شورشرابے کے باوجود انسداد دہشت گردی ترمیمی بل 2020 کی مرحلہ وار منظوری جاری رکھی گئی۔

اپوزیشن کے احتجاج کے باوجودانسداد دہشت گردی ترمیمی بل 2020 اور اقوام متحدہ سلامتی کونسل ایکٹ 1948 میں ترمیم کا بل کثرت رائے سے منظور کرلیا گیا۔