گرینڈ ڈیموکریٹک الائنس(  جی ڈی اے ) کی رہنما نصرت سحر عباسی کا کہناہے   کے الیکٹرک کے تمام دعوے دھرے کے دھرے رہ  گئے ہیں۔

صوبائی دارالحکومت کراچی میں پریس کانفرنس کرتے ہوئے نصرت سحر عباسی کا کہنا تھا کہ   کے الیکٹرک کے خلاف کئی دھرنے دیے جاتے ہیں  لیکن کے الیکٹرک میں بیٹھے مافیا بہت  طاقتور ہیں۔

نصرت سحر عباسی نے کہا کہ  ہم نے گورنر ہاؤس میں چار گھنٹے کراچی کے شہریوں  کا درد بیان کیا لیکن  وفاقی اور صوبائی حکومت کے الیکٹرک کو سیدھا نہیں کر سکے  ۔

انہوں نے کہا کہ  کے الیکٹرک سندھ حکومت سے زمین مانگ رہی ہے لیکن اس کو زمین نہیں دی جا رہی جبکہ   دیگر اداروں کو زمین دے دی جاتی ہے ۔ ہمارا مطالبہ  ہے کہ کے الیکٹرک کو زمین  فراہم کی جائے۔

نصرت  سحر عباسی کا مزید کہنا تھا کہ  شہریوں کا گرمی میں دم نکل رہا ہے  ، شہریوں کو پانی دستیاب نہیں ہے۔میٹروپولیٹن شہر میں پانی اور بجلی نہیں ہے ۔