کراچی میں کرنٹ لگنے سے ایک اور معصوم جان  چلی گئی۔

تفصیلات کے مطابق کراچی کراچی  کے علاقے کلفٹن میں کے الیکٹرک کی نا اہلی و غفلت سے ایک اور معصوم جان چلی گئی ۔

کرنٹ لگنے سے جاں بحق بچی کی شناخت 7 سالہ ماروی کے نام سے ہوئی۔

بچی کے لواحقین کا کہنا ہے کہ  بچی دکان کے باہر  واٹر کولر سے پانی پینے گئی تھی ۔ واٹر کولر میں کرنٹ موجود تھا جو بچی کی موت کا سبب بنا ۔

پولیس کا کہنا ہے کہ  بچی اپنے بھائی کے ساتھ دو روز قبل کراچی آئی تھی ، جاں بحق بچی کا بھائی سپیرا ہے ۔بچی کا آبائی تعلق اندرون سندھ سے ہے ۔

بچی کے بھائی کا کہنا ہے کہ  بہن کی لاش کو آبائی علاقے منتقل کرنے کے لیے میرے پاس پیسے تک نہیں تھے ،پولیس اور رینجرز کی جانب سے میری مدد کی گئی۔