امریکہ کی جانب سے عطیہ کیے گئے 100 وینٹیلیٹرز صوبوں میں تقسیم کرنے کی تفصیلات سامنے آگئیں۔

تفصیلات کے مطابق این ڈی ایم اے نے امریکی ونٹیلیٹرز کی صوبوں میں تقسیم کی تفصیل جاری کر دی۔

این ڈی ایم اے کی جانب سے جاری کردہ تفصیلات میں بتایا گیا کہ  امریکی حکومت کی طرف سے پاکستان کو 100 پورٹ ایبل آئی سی یو ونٹیلیٹرز عطیہ کیے گئے ہیں۔

عطیہ ملنے والے 100 وینٹیلیٹرز میں سے 13   بلوچستان کو ، 27 خیبر پختونخوا کو ، 23 پنجاب کو،26 سندھ کو ، 6 آزاد کشمیر کو جبکہ 5 گلگت بلتستان کو دیے جائیں گے۔

این ڈی ایم اے نے ان ونٹیلیٹرز کی تنصیب کے لیے اسپتالوں کی فہرست بھی جاری کر دی ہے۔اسپتالوں کی فہرست صوبائی حکومتوں کی مشاورت سے مرتب کی گئی ہے۔

واضح رہےکہ امریکہ کی جانب سے عطیہ کیے گئے 100 وینٹیلیٹرز کی کھیپ آج پاکستان پہنچی ہے۔

 ترجمان امریکی سفارتخانے کاکہنا ہے کہ امریکی صدر  ڈونلڈ ٹرمپ نے وزیراعظم عمران خان سے گفتگو میں وینٹیلیٹرز کی فراہمی کا وعدہ کیا تھا۔