ڈی جی رینجرز (سندھ) میجر جنرل عمر احمد بخاری نے کھارا در اور درخشاں پولیس اسٹیشنز کا دورہ کیا، سی سی پی او، ڈی آئی جی پولیس اور دیگر اسٹاف نے ڈی جی رینجرز (سندھ) کا استقبال کیا۔

 تفصیلات کے مطابق سندھ رینجرز کے ترجمان نے اپنے ایک بیان میں کہا کہ پولیس کے اعلیٰ حکام نے ڈی جی رینجرز (سندھ) کو پولیس اسٹیشنزکے مختلف شعبہ جات کا دورہ کروایا اور بریفنگ دی۔

اس موقع پر ڈی جی رینجرز(سندھ) نے قیام امن کے لیئے سندھ پولیس کی خدمات کو سراہا اور کہا کہ رینجرز اور پولیس کے جوان مل کر دہشت گردی کامقابلہ کرنے اور اپنے فرائض کی بجاآوری کے لیئے ہر وقت تیار ہیں اور دہشت گردوں کے آگے سیسہ پلائی ہوئی دیوار ثابت ہونگے۔

سندھ رینجرز کے ترجمان نے کہا کہ دورے کے دوران ڈی جی رینجرز (سندھ)نے وبائی مرض کورونا کے دوران پولیس کی کارکردگی کو بھی سراہا۔

ڈی جی رینجرز کا اندرون سندھ میں کچے کے علاقے کا دورہ

میجر جنرل عمر احمد بخاری نے کہا کہ آج کراچی اور اندرونِ سندھ میں قائم ہونے والا امن رینجرزاور پولیس کی قربانیوں اور کاوشوں کا نتیجہ ہے۔

 ڈی جی رینجرز سندھ میجر جنرل عمر احمد بخاری نے اس عزم کا اعادہ کیا کہ کراچی میں امن و امان کی صورتحال کو یقینی بنانے کے لیے مؤثر اقدامات کیے جائیں گے۔