حکومت پاکستان کی کاوشوں سے یورپین یونین نے پی آئی اے کو تین جولائی تک آپریٹ کرنے کی اجازت دے دی۔

تفصیلات کے مطابق سیکٹری خارجہ نے ہنگامی طور پر تمام یورپین ممالک کے سفیروں سے رابطہ کیا جس کے بعد پی آئی اے کو 3 جولائی تک آپریٹ کرنے کی اجازت دے دی گئی۔

ترجمان  پی آئی اے عبداللہ خان نے کہا کہ پی آئی اے کو یکم تا تین جولائی برطانیہ اور یورپ اترنے اور اوور فلائینگ کی تا حکم ثانی اجازت مل گئی

عبداللہ خان نے یہ بھی کہا کہ پی آئی اے انتظامیہ، وزارت خارجہ اور پاکستان کے سفیر مسلسل یورپین حکام سے رابطے میں ہیں دیگر پروازیں کا اعلان جلد کیا جائے گا۔

ترجمان  پی آئی اے عبداللہ خان نے مزید کہا کہ پی آئی اے کی اسلام آباد تا لندن اور واپسی کی پروازیں پی کے 785 اور 786 معمول کے مطابق آپریٹ کریں گی۔

دوسری جانب یورپی یونین کے بعد اب لندن میں برطانوی سول ایوی ایشن اتھارٹی کی جانب سے بھی پی آئی اے کی پروازیں معطل کر دیں گئی ہیں۔

برطانوی سی اے اے کے ترجمان کا کہنا ہے کہ برمنگھم، لندن اور مانچسٹر سے پی آئی اے کی پروازیں معطل کی جا رہی ہیں اور یہ پروازیں یورپی یونین ایوی ایشن سیفٹی ایجنسی کے فیصلے کے تناظر میں کر رہے ہیں۔

جعلی لائسنس پائلٹس اسکینڈل، یورپ میں پی آئی اے پر پابندی

یاد رہے کہ اس سے قبل پاکستان میں پائلٹس کے جعلی لائسنس اسکینڈل کے بعد یورپ میں پاکستان کی قومی ایئرلائن پر پابندی عائد کردی گئی تھی۔

یورپین یونین ایئر سیفٹی ایجنسی نے پی آئی اے کی یورپین ممالک کیلئے فضائی آپریشن کے اجازت نامے کو 6 ماہ کیلئے معطل کردیا تھا۔

  یورپی یونین ایئر سیفٹی ایجنسی کی جانب سے معطلی کا اطلاق یکم جولائی 2020  رات 12 بجے یو ٹی سی ٹائم کے مطابق ہوگا جس کے بعد پی آئی اے کی یورپ سے تمام پروازیں عارضی طور پر منسوخ ہوجائیگی۔