پی آئی اے نے برطانیہ کا آپریشن جزوی طور پر بحال کرنے کا فیصلہ کرلیا ہے۔

تفصیلات کے مطابق پی آئی اے نے اپنے مسافروں کو سہولیات فراہم کرنے کیلئے 14 اگست سے پروازوں چلانے کا فیصلہ کرلیا ہے۔

ترجمان پی آئی اے کا کہنا ہے کہ پی آئی اے کے مسافر متبادل ذریعے سے براہ راست پاکستان اور لندن، مانچسٹر اور برمنگھم کے درمیان سفر کر سکیں گے۔

ترجمان پی آئی اے کا یہ بھی کہنا ہے کہپروازوں کے اوقات کار سے متعلق اعلان عید کے فورا بعد کردیا جائے گا۔

ترجمان پی آئی اے کا مزید کہنا ہے کہ پی آئی اے کی پروازوں کی معطلی کے بعد دیگر ائیرلائنز نے کرائے غیر معمولی طور پر بڑھا دئیے تھے لیکن پی آئی اے کی پروازوں کے چلنے کے بعد کرائے واپس عام سطح پر آنا متوقع ہے۔