وفاقی وزیر ہاؤسنگ اینڈ ورکس طارق بشیر چیمہ کورونا وائرس کا شکار ہوگئے۔

تفصیلات کے مطابق وفاقی وزیر ہاؤسنگ اینڈ ورکس طارق بشیر چیمہ کا کورونا وائرس ٹیسٹ مثبت آگیا۔

ترجمان پمز کا کہنا ہے کہ طارق بشیر چیمہ کی اچانک طبیعت خراب ہونے پر گزشتہ رات پمز ہسپتال کے آئسولیشن وارڈ میں داخل کرلیا گیا اور اب ان کے مختلف ٹیسٹ کیے جارہے ہیں۔

سندھ پولیس کے مزید 215 اہلکار کورونا کا شکار

 ترجمان پمز کا یہ بھی کہنا ہے کہ آکسیجن لیول 91 فیصد پر آنے کی وجہ سے طارق بشیر چیمہ کو اسپتال منتقل کیا گیا۔

اس سے قبل 62 سالہ وفاقی وزیر ہاؤسنگ اینڈ ورکس طارق بشیر چیمہ نے کورونا وائرس ٹیسٹ مثبت آنے پر گھر میں ہی خود کو قرنطینہ کیے ہوئے تھے۔