وزیراعظم عمران خان نے کہا ہے کہ پاکستان سرمایہ کاری کے لئے دنیا کا بہترین ملک ہے۔

تفصیلات کے مطابق وزیراعظم عمران خان سے گورنر پنجاب چوہدری سرور کی اہم ملاقات ہوئی جس میں گورنر پنجاب نے وزیر اعظم کو ڈیم فنڈ کے لئے 36 ملین کا چیک  پیش کیا۔

ملاقات میں صوبے کے سیاسی معاملات پر تفصیلی بات ہوئی جبکہ ملکی مجموعی صورتحال اور پنجاب حکومت سے متعلق بھی امور پر بھی تبادلہ خیال کیا گیا۔

وزیراعظم اور گورنر پنجاب کی ہونے والی ملاقات میں دنیا بھر سے سرمایہ کاروں کو پاکستان لانے کے لئے روڑ شوز منعقد کرانے پر غور کیا گیا جبکہ صوبے میں امن و امان اور گورننسس کے ایشوز پر بات ہوئی اور ملکی معیشت کی بہتری کے لیے تجاویز پر بھی غور کیا گیا۔

کراچی کی ترقی حکومت کی اولین ترجیح ہے، وزیر اعظم

ملاقات میں وزیراعظم نے گورنر پنجاب کو دنیا بھر میں سرماکاری کے حوالے سے روڑ شوز منعقد کرنے کی ہدایت دی۔

وزیراعظم نے گورنر پنجاب کو ہدایت دیتے ہوئے کہا کہ برطانیہ، دبئی، امریکہ کینیڈا سمیت دنیا بھر میں روڑ شوز منعقد کئے جائیں۔

وزیراعظم عمران خان نے کہا کہ دنیا بھر کے سرمایہ کاروں کو مختلف شعبوں میں سرمایہ کاری کی دعوت دیں کیونکہ پاکستان سرمایہ کاری کے لئے دنیا کا بہترین ملک ہے۔