ڈی جی آئی ایس پی آر میجرجنرل بابر افتخار نے کہا ہے کہ پاکستان آرمی نے بھارتی کواڈکاپٹر ڈرون مار گرایا۔

پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے اپنے ایک بیان میں کہا کہ پاک فوج نے لائن آف کنٹرول پر بھارتی فوج کا جاسوسی کے لیئے بھیجا بھارتی کواڈکاپٹر ڈرون مار گرایا، بھارتی کواڈ کاپٹر لائن آف کنٹرول پار کر کے پانڈو سیکٹر میں دو سو میٹر تک پاکستانی علاقے میں آگیا تھا۔

#PakistanArmy troops shot down an Indian spying #quadcopter in Pandu Sector along LOC.
The quadcopter had intruded 200 meters on Pakistan’s side of the #LOC. This is 10th Indian quadcopter shot down by Pakistan Army this year. pic.twitter.com/pJQTau4HVl

Advertisement

— DG ISPR (@OfficialDGISPR) July 26, 2020

اپنے بیان میں ڈی جی آئی ایس پی آر میجرجنرل بابر افتخار نے مزید کہا کہ اس سال یہ دسواں موقع ہے جب پاک فوج نے لائن آف کنٹرول پار کرنے والے بھارتی کواڈکاپٹر کو مار گرایا۔

یاد رہے اس سے قبل بھی پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے اپنے ایک بیان میں کہا تھا کہ پاکستان آرمی نے بھارتی کواڈکاپٹر ڈرون مار گرایا۔

پاک فوج نے ایک اور بھارتی ڈرون مار گرایا، ڈی جی آئی ایس پی آر

میجرجنرل بابر افتخار نے کہا تھا کہ بھارتی جاسوس کواڈکاپٹر 650 میٹر اندر داخل ہوگیا تھا جس کے جواب میں پاک فوج نےبھارتی کواڈکاپٹرمارگرایا۔

ڈی جی آئی ایس پی آر میجرجنرل بابر افتخار نے مزید کہا تھا کہ بھارتی جاسوس کواڈکاپٹرایل اوسی کےرکھ چکری  سیکٹرپرگرایاگیا ہے۔

واضح رہے اس سھے قبل ڈی جی آئی ایس پی آر میجر جنرل بابر افتخار نے اپنے بیان میں کہا تھا کہ بھارتی فوج لائن آف کنٹرول پر جارحیت کررہی ہے، ایل او سی پر معصوم شہریوں کو شہید کرنے کے واقعات بڑھ رہے ہیں۔

ڈی جی آئی ایس پی آر  نے کہا تھا کہ بھارت جس طرح کے اقدامات کررہا ہے اس کو دنیا دیکھ رہی ہے، بھارت میں اقلیتوں خاص طور پر مسلمان کے جو حالات ہیں اس پر دنیا کو توجہ دینی چاہئے۔