سندھ حکومت نے صوبے بھر میں لاک ڈاؤن میں 15 دن کی توسیع کردی  ہے۔

تفصیلات کے مطابق  سندھ حکوت نے کورونا وائرس کے بڑھتے ہوئے کیسز کے پیش نظر صوبے بھر میں لاک ڈاؤن میں 15 روز کی توسیع کردی ہے۔

15 جولائی تک صوبے میں لاک ڈاؤن رہے گا جس کے تحت  شادی ہالز، تعلیمی ادارے اور ریسٹورنٹ بند رہیں گے تاہم ریسٹورنٹس سے ہوم ڈیلیوری رات11بجے تک کی جاسکے گی۔

صوبے بھر میں تمام دکانیں شام سات بجے بند ہو جائیں گی تاہم میڈیکل اسٹورز اس پابندی سے مستثنیٰ ہوں گے۔

محکمہ داخلہ سندھ نے توسیع کا حکم نامہ جاری کردیا ہے۔

واضح رہے کہ  صوبے بھر میں کورونا وائرس کے کیسز میں تیزی سے اضافہ ہورہا ہے۔اس وقت صوبے بھر میں 36803 مریض زیر علاج ہیں  جن میں سے  707 کی حالت  تشویشناک ہے۔