وزیر خارجہ شاہ محمود قریشی نے کہا ہے کہ ہم مالدیپ کے ساتھ اپنے تعلقات کو سارک میں مضبوط دیکھنا چاہتے ہیں۔

تفصیلات کے مطابق  وزیر خارجہ شاہ محمود قریشی نے سماجی رابطے کی ویب سائٹ ٹویٹر پر اپنے ایک پیغام میں مالدیپ کے 55 ویں یوم آزادی پر نیک تمناؤں کا اظہار کرتے ہوئے کہا کہ مالدیپ اپنی آزادی کی 55 ویں سالگرہ منا رہا ہے۔

On the 55th anniversary of Independence, Pakistan offers best wishes to Govt & people of Maldives. We look forward to strengthened bilateral ties & our multi-dimensional cooperation, especially within SAARC.@abdulla_shahid @ibusolih
🇵🇰 🇲🇻

Advertisement

— Shah Mahmood Qureshi (@SMQureshiPTI) July 26, 2020

اپنے پیغام میں وزیر خارجہ نے کہا کہ پاکستان مالدیپ حکومت اور عوام کو یوم آزادی پر نیک تمنائیں پیش کرتا ہے۔

شاہ محمود قریشی ن یہ بھی کہا کہ ہم پاکستان مالدیپ باہمی تعلقات میں استحکام کے خواہشمند ہیں جبکہ کثیر الجہتی باہمی تعاون مین مضبوطی کے بھی خواہشمند ہیں۔

وزیر خارجہ شاہ محمود قریشی نے مزید کہا کہ ہم مالدیپ کے ساتھ اپنے تعلقات اور کثیر الجہتی تعاون کو خصوصی طور پر سارک میں مضبوط دیکھنا چاہتے ہیں۔

وزیرخارجہ کا مالدیپ ہم منصب سے ٹیلی فونک رابطہ

واضح رہے اس سے قبل وزیرخارجہ شاہ محمودقریشی کا مالدیپ ہم منصب عبداللہ شاہد سے ٹیلی فونک رابطہ ہوا اس دوران کرونا عالمی وبا سے نمٹنے کے لیے مؤثر لائحہ عمل اپنانے پر تبادلہ خیال کیا گیا تھا۔

وزیرخارجہ نے کہا تھا کہ پاکستان میں مالدیپ کے 22 زیر تربیت طلبا صحت مند ہیں، پاکستان اور مالدیپ دو طرفہ تعلقات کو انتہائی اہمیت دیتا ہے۔

شاہ محمودقریشی  نے یہ بھی کہا تھا کہ توقع ہے مالدیپ جلد اس وبا پر قابو پانے میں کامیاب ہو جائے گا، پاکستان میں سارک سمٹ کے انعقاد میں سب سے بڑی رکاوٹ بھارت ہے۔

وزیرخارجہ کا کہنا تھا کہ اس کے باوجود ہم نے بھارتی درخواست پر سارک ویڈیوکانفرنس میں شمولیت اختیار کی، ہم سمجھتے ہیں عالمی وبا سے نمٹنے کے لیے مشترکہ کاوشوں کی ضرورت ہے۔

مالدیپ ہم منصب عبداللہ شاہد سے ٹیلی فونک رابطے میں وزیرخارجہ شاہ محمودقریشی کا مزید کہنا تھا کہ عالمی وبا کے پھیلاؤ سے ترقی پذیر ممالک کو معاشی مسائل کا سامنا ہے، یورپی یونین ترقی پذیر ممالک کو قرضوں کی ادائیگی میں سہولت دے۔