سیکرٹری جنرل پاکستان پیپلز پارٹی نیر بخاری نے کہا ہے کہ قوم ایسے بزدلانہ حملوں سے ڈرنے والی نہیں ہے۔

تفصیلات کے مطابق سیکرٹری جنرل پاکستان پیپلز پارٹی نیر بخاری نے بلوچستان میں سیکورٹی فورسز کے قافلے پر حملہ کی سخت ترین الفاظ میں مذمت کرتے ہوئے کہا کہ بلوچستان میں دوبارہ سر اٹھاتی دہشت گردی تشویشناک ہے۔

سیکرٹری جنرل پاکستان پیپلز پارٹی نیر بخاری نے مزید کہا کہ نیر بخاری نے فوجی افسران و اہلکاروں کی شہادت اور زخمی ہونے پر افسوس کا اظہار کرتے ہوئے زخمیوں کی جلد ازجلد صحتیابی اور لواحقین کے لیے صبرِ جمیل کی دعا بھی کی۔

سیکیورٹی فورسز پر دہشت گردوں کا حملہ، 3 سپاہی شہید، 8 زخمی، آئی ایس پی آر

واضح رہے اس سے قبل آئی ایس پی آر سے جاری بیان کے مطابق پنجگور میں سیکیورٹی فورسز کی پیٹرولنگ پارٹی پر دہشت گردوں نے حملہ کردیا تھا۔

پاک فوج کےشعبہ تعلقات عامہ کے ترجمان سے جاری کردہ ایک بیان میں کہا گیا تھا کہ پنجگورمیں سیکیورٹی فورسز کے قافلے پر دہشتگردوں نے فائرنگ کی ، دہشتگردوں کی فائرنگ سے 3 فوجی شہید جبکہ 8 زخمی  ہوگئے ہیں۔

 ترجمان آئی ایس پی آر نے مزید کہا تھا کہ زخمیوں میں 5 کی حالت تشویشناک ہے، زخمی جوانوں کو سی ایم ایچ کوئٹہ منتقل کردیا گیا ہے جس میں ایک افسر بھی شامل ہیں۔