کورونا وائرس کی پیش نظر آزاد کشمیر میں جاری سمارٹ لاک ڈاؤن میں مزید ایک ہفتے کی توسیع کردی گئی ہے۔

تفصیلات کے مطابق کورونا وائرس کی پیش نظر آزاد کشمیر کے دارلحکومت مظفرآباد میں جاری سمارٹ لاک ڈاؤن میں مزید ایک ہفتے کی توسیع کر دی گئی۔

ضلعی انتظامیہ کا کہنا ہے کہ ہفتے میں دو ایام منگل اور جمعہ مکمل لاک ڈاؤن ہو گا۔

یاد رہے کہ کورونا وائرس کی روک تھام کیلئے دارالحکومت مظفرآباد سمیت ریاست بھر میں مکمل لاک ڈاؤن کردیا گیا ہے جس پر عمل درآمد کے بعد مکمل لاک ڈاؤن کے باعث عوام کو غیر ضروری سفر سے روک دیا گیا ہے۔

میرپور آزاد کشمیر: 05 اسٹریٹ مکمل سیل

آزاد کشمیر میں کاروباری مراکز بند ہونے کے باعث روز مرہ کا نظام زندگی بری طرح متاثر ہو گیا ہے۔

خیال رہے کہ مرکزی انجمن تاجران آزاد کشمیر و تاجر جائنٹ کمیٹی مظفرآباد نے حکومتی لاک ڈاؤن کو مسترد کر دیا ہے اور کہا ہے کہ حکومت کے ساتھ گذشتہ فارمولے کے تحت کاروبار جاری رکھیں گے کسی نیے نوٹیفیکیشن کو نہیں مانتےکل سے کاروباری مراکز کھول دینگے ۔