پاکستان مسلم لیگ (ن) کی ترجمان مریم اورنگزیب نے وزیراعظم کے کراچی میں بجلی کی قلت کا نوٹس لینے پر شہریوں کو وارننگ جاری کردی ہے۔

مریم اورنگزیب نے عوام کو وارننگ کے ساتھ ساتھ مشورہ بھی دیا ہے کہ کراچی کے شہری احتیاطی تدابیر کرتے ہوئے ہاتھ کے پنکھے خریدلیں کیونکہ عمران صاحب نے نوٹس لے لیا ہے، دو ماہ بعد عمران صاحب کو آخر کار معلوم ہوگیا کہ کراچی میں بجلی کی قلت اور قیمت دونوں بڑھ چکے ہیں۔

ترجمان مسلم لیگ ن نے کہا ہے کہ عمران صاحب جس چیز کا نوٹس لیں، اس کی چوری، قلت اور قیمت دونوں بڑھ جاتی ہیں۔

انہوں نے واضح کروایا کہ عمران صاحب جس چیز کا نوٹس لیتے ہیں یا وزیروں کو نگرانی کا ٹاسک دیتے ہیں عوام کی چیخیں نکل جاتی ہیں۔

وزیراعظم نے کے الیکٹرک کے ٹیرف میں اضافے کی تجویز مسترد کردی

عمران صاحب نے چینی کا نوٹس لیا، چوری ، قلت اور قیمت بڑھ گئی پھر پٹرول کا نوٹس لیا تو اس کی چوری، قلت اور قیمت بڑھ گئی اس کے بعد ڈالر کا نوٹس لیا تو تاریخی قیمت بڑھ گئی۔

وزیراعظم نے دوائیوں کی قیمتوں میں اضافے کا نوٹس لیا، قیمتیں مزید بڑھ گئیں اس کے بعد بجلی اور گیس کی قیمت کا نوٹس لیا، تاریخی قیمت بڑھ گئی۔

واضح رہے کہ اس سے قبل وزیراعظم عمران خان کی زیر صدارت کابینہ کی خصوصی کمیٹی کا اجلاس ہوا جس میں وزیراعظم نے اسد عمر اور امین الحق کی سفارش پر تجویز مسترد کی۔

اجلاس میں وزیراعظم کو کراچی میں لوڈشیڈنگ پر تفصیلی بریفنگ دی گئی جبکہ لوڈشیڈنگ سے ہونے والے نقصان سے بھی آگاہ کیا گیا۔

اجلاس میں وزیر اعظم کو  کے الیکٹرک کے نرخوں سے متعلق بھی بریفنگ د ی گئی۔

اس موقع پر وزیراعظم عمران خان نے وفاقی وزرا کو اہم ٹاسک دے دیا جبکہ کراچی میں لوڈشیڈنگ پر بھی نوٹس لیا ۔

عمران خان نے اجلاس کی صدارت کرتے ہوئے کہا کہ کراچی میں لوڈشیڈنگ کے معاملے پر کڑی نظر رکھیں اور لوڈشیڈنگ کا معاملہ فوری حل کیا جائے۔