حکومت  نے محمد جاوید غنی کو چیئرمین ایف بی آر تعینات کردیا۔

تفصیلات کے مطابق  حکومت نے  محمد جاوید غنی  کو چیئرمین ایف بی آر تعینات کردیا ہے جس کا نوٹیفکیشن جاری کردیا گیا ہے۔

جاوید غنی ممبر کسٹم ایف بی آر کی حیثیت سے کام کررہے ہیں۔ممبر کسٹم جاوید غنی کو چیئرمین ایف بی آر کا اضافی چارج دیا گیا ہے۔

محمد جاوید غنی  مستقل چیئرمین کی تعیناتی تک 3 ماہ  کے لیے چیئرمین ایف بی آر  ہوں گے۔

یاد رہے کہ  اس سے قبل  نوشین جاوید امجد کو 7 اپریل 2020 کو چیئرپرسن ایف بی آر تعینات کیا گیا تھا ۔

ذرائع کا کہنا ہے کہ پی ٹی آئی دور حکومت میں تین چیئرمین ایف بی آر کو ہٹا یا جا چکا ہے ۔ پی ٹی آئی دور میں جاوید غنی چوتھے چیئرمین ایف بی آر ہوں گے۔