ایک طرف کراچی میں ہلکی بارش نے موسم کو خوشگوار بنادیا ہے تو دوسری جانب بجلی کے کھمبوں کے احتیاط بھی کرنے کی ہدایات کردی گئی ہے۔

ترجمان کے الیکٹرک نے کراچی میں ہلکی بارش کے نتیجے میں احتیاط کرنے کی ہدایات جاری کردیں ہیں۔

ان کا کہنا ہے کہ بارش کی صورت میں احتیاط کریں کیونکہ غیر قانونی ذرائع سے بجلی کا حصول جان لیوا ہے اس لئے شہری ٹوٹے ہوئے تاروں، بجلی کے کھمبوں اور پی ایم ٹیز سے دور رہیں۔

ترجمان کے الیکٹرک نے کہا ہے کہ بارش اور کھڑے پانی میں پانی کی موٹر جیسے برقی آلات کا غیر محفوظ استعمال حادثات کا سبب بن سکتا ہے اس لئے خود کو محفوظ کریں اور کسی بھی شکایت کی صورت میں 118 پر فوری رابطہ کریں۔

یاد رہے کہ اس سے قبل شہر کے مختلف مقامات پر بارش کا سلسلہ تیز ہواؤں اور گرج چمک کے ساتھ ایک بار پھر شروع ہوگیا ہے جس کے نتیجے میں فیڈرل بی ایریا، گلشن اقبال، گلستان جوہر میں تیز بارش کا سلسلہ تاحال جاری ہے۔

حسن اسکواٸر، غریب أباد، لیاقت أباد ، نارتھ ناظم أباد اور نارتھ کراچی میں بھی بارش جاری ہے۔

شہر کے مختلف حصوں میں ہلکی بارش سے موسم خوشگوار ہو گیا تاہم مختلف علاقوں میں ہلکی بارش کے بعد سڑکوں پر پھسلن ہے جس کے باعث متعدد موٹر سائیکلوں کو حادثات بھی پیش آنے کے خدشات ہیں۔

شہرقائد کے مختلف علاقوں میں ہلکی بارش سے گرمی کا زور ٹوٹ گیا ہے، بیشتر علاقوں میں ہلکی بارش سے موسم سہانا ہوگیا۔