ڈرگ ریگولیٹری اتھارٹی  ( ڈریپ ) کے چیف ایگزیکٹو عاصم روف کی تعیناتی اسلام آباد ہائیکورٹ میں چیلنج کردیا گیا ۔

ڈریپ کے چیف ایگزیکٹو کی تعیناتی کے حوالے سے اسلام آباد ہائیکورٹ نے شہری کی درخواست پر وفاق کو نوٹس جاری کردیا اور دو ہفتوں میں جواب طلب کرلیا۔

 درخواست  میں کہا گیا کہ سیکرٹری صحت  نے بغیر اختیار کے عاصم رؤف کی تعیناتی کی اور اب ڈیڑھ سال سے عارضی چیف ایگزیکٹو کا اختیار ان کے پاس ہے۔

کورونا وائرس سےبچاو کیلئے ڈریپ کے اہم اقدامات

درخواست میں استدعا کی گئی کہ عاصم روف کی تعیناتی غیر قانونی قرار دیتے ہوئے انہیں عہدے سے ہٹایا جائے۔

درخواست پر سماعت اسلام آباد ہائیکورٹ کے چیف جسٹس جسٹس اطہر من اللہ نے کی جبکہ عدالت نے آئندہ سماعت پر اٹارنی جنرل کو بھی معاونت کے لئے پیش ہونے کی ہدایت کردی۔