بارش ہوتے ہی کراچی کے بیشتر علاقوں میں بجلی کی فراہمی معطل ہوگئی۔

تفصیلات کے مطابق کراچی کے مختلف علاقوں میں وقفے وقفے سے ہلکی و تیز بارش کے باعث شہر کے بیشتر علاقوں  میں بجلی معطل ہوگئی ہے۔

شہر قائد کے علاقوں اختر کالونی، محمود آباد ، منظور کالونی، کورنگی ، ڈیفنس، صدر، لائنز ایریا ، بزرٹا لائن ،کشمیر کالونی، اورنگی ،گڈاپ ، کاٹھور ، بلدیہ  اور لیاری  سمیت مختلف علاقوں میں  بارش ہوتے ہی بجلی غائب ہوگئی ہے۔

واضح رہے کہ بارش سے قبل بھی گذشتہ کئی ماہ سے شہر میں  میں 3 سے 8 گھنٹے تک کی اعلانیہ و غیر اعلانیہ لوڈشیڈنگ جاری ہے۔

شہریوں نے مطالبہ کیا ہے کہ کے الیکٹرک بجلی کی فراہمی کو یقینی بنائے۔