چیئرمین پیپلزپارٹی بلاول بھٹو زرداری نے کہا ہے کہ پنجاب کے نوجوان تیار رہیں، انہیں مستقبل میں اہم کردار ادا کرنا ہے۔

پاکستان پیپلزپارٹی کے چیئرمین بلاول بھٹو زرداری کی سربراہی میں پیپلزیوتھ سینٹرل پنجاب کے عہدیداران کا ویڈیو لنک اجلاس ہوا ہے۔

 چیئرمین بلاول بھٹو زرداری نے اجلاس میں گفتگو کرتے ہوئے کہا کہ پاکستان پیپلزپارٹی پنجاب کے حقوق پر سودے بازی نہیں ہونے دے گے، وفاق نے پنجاب کے اربوں روپے روکے ہوئے ہیں مگر صوبائی حکومت خاموش تماشائی کا کردار ادا کررہی ہے۔

 بلاول بھٹو نے کہا کہ پنجاب میں سندھ کی طرز پر صحت کا نظام ناگزیر ہوچکا ہے،، ٹیسٹنگ کم کرکے پنجاب کے باسیوں کو کورونا وائرس کے رحم و کرم پر چھوڑدیا گیا ہے لیکن پنجاب کا نوجوان باشعور ہے، اسے اپنے حقوق کے لئے آواز بلند کرنا ہوگی۔

ویڈیو لنک اجلاس میں پیپلز یوتھ سنٹرل پنجاب کے صدر زوہیب بٹ، جنرل سیکریٹری محسن مالہی اوت شہریار چوہدری سمیت دیگر نے شرکت کی۔