پی پی پی چیئرمین بلاول بھٹو زرداری نے کہا ہے کہ پاکستان پیپلزپارٹی ملک میں اقلیتوں کے حقوق کی محافظ ہے۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری سے قومی یومِ اقلیت کے موقع پر اراکین قومی اسمبلی مہیش ملانی، رمیش کمار اور نوید جیوا نے ملاقات کی۔

اس موقع پر چیئرمین بلاول بھٹو زرداری اور پی پی پی اقلیتی اراکین قومی اسمبلی کے درمیان پارلیمان ہاؤس میں ملاقات ہوئی جس میں پی پی پی اقلیتی اراکین قومی اسمبلی نے بلاول بھٹو زرداری کو اقلیتوں کے مسائل سے آگاہ کیا۔

بلاول بھٹو کی مریم نواز اور پارٹی ورکرز پر پتھراؤ کی مذمت

ملاقات میں پی پی پی چیئرمین بلاول بھٹو زرداری نے کہا کہ گیارہ اگست 1947 کی تقریر میں قائداعظم نے ملک کی سمت مقرر کردی تھی، صدر آصف علی زرداری نے 11 اگست کو قومی یوم اقلیت قرار دیا، پیپلزپارٹی ملک میں اقلیتوں کے حقوق کی محافظ ہے۔