وزیر خارجہ شاہ محمود قریشی نے سلامتی کونسل کے اجلاس کا خیرمقدم کرتے ہوئے کہا ہے کہ عالمی برادری کا کشمیریوں کے ساتھ اظہار یکجہتی ہے۔

وزیرخارجہ شاہ محمودقریشی نے اقوام متحدہ سیکورٹی کونسل میں کشمیر کے حوالے سے منعقدہ بحث کے بعد اسلام آباد میں میڈیا بریفنگ دی ہے۔

وزیر خارجہ کا کہنا تھا کہ سیکیورٹی کونسل کے تمام ممبران کا شکر گزار ہوں کہ انہوں نے اس سال تیسری مرتبہ کشمیر کی صورتحال پرگفتگو کی اور دنیا کو بتایا کہ عالمی برادری کا کشمیریوں کے ساتھ اظہار یکجہتی ہے۔

انہوں نے بتایا کہ 5 اگست کے روز ہندوستان نے یکطرفہ اقدامات کا اعلان کیا تھا جس کو پاکستانی اور کشمیریوں نے مسترد کر دیا تھا۔

انہوں نے کہا کہ میں بےحد ممنون مشکور ہوں چین کا جنہوں نے پاکستان کی حوصلہ افزائی کی اور اس ضمن میں چین کا بہت مفصل بیان بھی سامنے آیا ہے۔

مودی گذشتہ سال 5 اگست کوبہت بڑی غلطی کربیٹھاہے، وزیر اعظم

وزیر خارجہ نے بتایا ہے کہ اجلاس میں پندرہ میں سے 14 ممبران نے اپنے خیالات ریکارڈ کرائے جبکہ بہت سے ممالک نے بھی اپنا نقطہ نظر پیش کیا لیکن ہمارا موقف پہلے دن سے واضح رہا ہے کہ ہندوستان غیر قانونی اقدامات سے اجتناب کرے۔

شاہ محمود قریشی کا کہنا تھا کہ خطے کا امن و استحکام متاثر ہوسکتا ہے لیکن اس سے متعلق کشمیریوں کو واضح پیغام دینا چاہتا ہوں کہ آپ کا مسئلہ حقیقی ہے اور پاکستان آپ کے مسئلے کے حل کیلئے کاوشیں کرتا رہے گا۔

شاہ محمودقریشی نے کہا کہ پاکستان کی پالیسی بڑی واضح ہے وزیراعظم عمران خان نے سیکیورٹی کونسل کے اجلاس میں پاکستان کا واضح موقف پیش کرچکے ہیں ۔

واضح رہے کہ اس سے قبل کشمیر پر قبضے کےایک سال مکمل ہونے پر آزاد کشمیر کی قانون ساز اسمبلی میں ’یوم استحصال‘کی تقریب سے خطاب کرتے ہوئے وزیر اعظم عمران خان  نے کہا کہ  مودی بہت بڑی غلطی کربیٹھاہے، وہ سمجھتاتھااس اقدام سےپاکستان خاموش رہےگا۔

وزیر اعظم نے کہا کہ  بھاری اکثریت سےالیکشن جیتنےپرمودی نےکشمیرکی حیثیت تبدیل کی۔مودی سمجھتاتھا کہ بھارت  کے بڑی معیشت ہونےکےباعث دنیاخاموش رہےگی۔