کراچی میں بارش رکےآج  دوسرا روز ہوگیالیکن  سڑکوں سے پانی کی نکاسی نہ ہونے کے سبب صورتحال معمول پر نہ آسکی۔

تفصیلات کے مطابق  ناظم آباد انڈر پاس سے پانی کی نکاسی نہ ہونے کے سبب وہاں سے گزرنے والی ریسکیو ایمبولینس بند ہوگئی۔

انڈر پاس سے تاحال پانی کی نکاسی نہ ہونے کے باعث  پولیس نے رکاوٹیں لگا کر انڈر پاس کو ٹریفک کے لیے بند کردیا ہے۔

دوسری جانب قیوم آباد سے کورنگی کراسنگ آنے اور جانے والے روڈ پر کئی فٹ پانی جمع ہے، جس کے باعث ٹریفک کی آمد و رفت شدید متاثر ہے۔

کورنگی انڈسٹریل ایریا میں بھی بدترین ٹریفک جام ہے، قیوم آباد، کورنگی کازوے ، بروکس چورنگی،بلال چورنگی اور اطراف میں شدید ٹریفک جام ہے۔