معاون خصوصی ڈاکٹر معید یوسف نے بتایا ہے کہ تھنک ٹینک اور اکیڈمیہ کے لئے آن لائن پورٹل بنانے کا فیصلہ کیا گیا ہے۔

تفصیلات کے مطابق معاون خصوصی ڈاکٹر معید یوسف کی زیر صدارت قومی سلامتی کمیٹی کے مشاورتی بورڈ کا اجلاس منعقد کیا گیا، جس میں بتایا گیا ہے کہ  تھنک ٹینک اور اکیڈمیہ کے لئے آن لائن کے یہ پورٹل خطے میں اپنی نوعیت پہلا اقدام ہے۔

ان کا کہنا تھا کہ اس پورٹل سے تھنک ٹینک اور اکیڈمیہ اپنی تجاویز حکومت تک پہنچا سکیں گے۔

 ڈاکٹر معید یوسف نے کہا ہے کہ آن لائن پورٹل سے تھنک ٹینک حکومت کو پالیسی بنانے میں مدد کر سکیں گے، اس سے جامع پالیسیاں بنانے میں مدد ملے گی۔

سفارتی چیلنجوں کو سمجھنے کے لئے تھنک ٹینکس کا کردار ناگزیر ہے، شاہ محمود قریشی

معاون خصوصی نے بتایا ہے کہ اس پورٹل سے ملک بھر کے تھنک ٹینک  ایک جگہ پر متحرک ہو سکیں گے، اس سے اکیڈمیہ اور حکومت کے مابین پائی جانے والی خلیج کو دور کیا جاسکے گا کیونکہ اس طرح ماضی میں نہیں ہوا لیکن اس سے حکومت کو بہتر پالیسیاں بنانے میں مدد فراہم ہو گی۔

انہوں نے بتایا کہ وزیراعظم عمران خان کا ویژن ہے کہ شہریوں کو ہر قسم کا تحفظ دیا جاۓ کیونکہ وزیراعظم قومی سلامتی کے لئے عوام دوست نقطہ نظر رکھتے ہیں۔

یاد رہے کہ گزشتہ روز وزیر خارجہ کی زیر صدارت انسٹیٹیوٹ آف اسٹریٹیجک اسٹڈیز اسلام آبادکے محققین کا اجلاس منعقد ہوا تھا جس میں ان کا کہنا تھا کہ سفارتی چیلنجز کے ادراک  کیلئے تھنک  ٹینکس کا کردار ناگزیر ہے۔

وزیر خارجہ نے کہا ہے کہ تھنک ٹینکس کو آسیان، سارک اور دیگر علاقائی فورمز پر موجود تھنک ٹینکس کیساتھ روابط بڑھانے کی ضرورت ہے۔

دوسری جانب وزیر خارجہ سے سارک چیمبر آف کامرس اینڈ انڈسٹری کے وفدکی ملاقات ہوئی ہے۔