کینجھر جھیل کشتی حادثے میں لاپتہ افراد کو بچانے کے لیے پاک بحریہ کے جوان معاونت کے لیے پہنچ گئے۔

ترجمان پاک بحریہ کے مطابق  سول انتظامیہ کی درخواست پر پاک بحریہ کا سرچ اینڈ ریسکیو آپریشن جاری ہے۔

پاک بحریہ کے غوطہ خور اور میڈیکل ٹیم سرچ اینڈ ریسکیو آپریشن میں حصہ لے رہے ہیں۔

واضح رہے کہ ٹھٹھہ میں واقع کینجھر جھیل میں کشتی الٹنے سے 9 افراد ڈوب کر جاں بحق ہوگئے ہیں جبکہ3 کوزندہ بچالیا گیا ہے۔باقی رہ جانے والے 2 افراد کی تلاش جاری ہے۔

کشتی میں خواتین اور بچوں سمیت 14 افراد سوار تھے۔تمام سیاح پکنک  منانے کے لیے کینجھر جھیل پہنچے تھے۔

ڈوبنے والوں کا تعلق کراچی کے علاقے محمود آباد سے ہے۔