آرمی چیف کی جانب سے آئی ایس آئی ہیڈکوارٹرز کا دورہ کیا گیا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی جانب سے آئی ایس آئی ہیڈکوارٹرز کا دورہ کیا گیا ہے۔

آئی ایس پی آر کا کہنا ہے کہ آئی ایس آئی ہیڈکوارٹرز کے دورے کے دوران آرمی چیف کو ملک کی اندرونی اور بیرونی سیکیورٹی صورتحال پربریفنگ دی گئی۔

آئی ایس پی آر نے بتایا ہے کہ آرمی چیف نے آئی ایس آئی کی کارکردگی کو سراہا ہے جبکہ مزید آرمی چیف نے درپیش خطرات سے نمٹنے کیلئے آئی ایس آئی کی حکمت عملی کی تعریف بھی کی ہے۔

آرمی چیف سے سعودی عرب کے سفیر کی ملاقات

خیال رہے کہ آرمی چیف کے ہیڈکوارٹرز پہنچنے پرڈی جی آئی ایس آئی لیفٹیننٹ جنرل فیض حمید نےاستقبال کیا تھا۔

قبل ازیں آرمی چیف جنرل قمر جاوید باجوہ سے سعودی عرب کے سفیر نواف سعید ال مالکی کی ملاقات ہوئی ہے۔

آئی ایس پی آر کے مطابق ملاقات میں باہمی دلچسپی و علاقائی سلامتی کی صورتحال سے متعلق امور پر بات چیت کی گئی ہے، مزید دونوں برادر ملکوں کے درمیان دو طرفہ دفاعی تعاون سے متعلق امور پر بھی بات چیت کی گئی۔