پاکستان نیوی کی کمانڈ اینڈ اسٹاف کانفرنس نے سمندری حدود کے دفاع کے عزم کی ایک بار پھر تصدیق کی ہے اور کہا ہے کہ کسی بھی خطرے سے نمٹنے کے لئے ہمیشہ تیار ہے۔

تفصیلات کے مطابق نیول ہیڈکوارٹرز میں کمانڈ اینڈ اسٹاف کی نیول چیف کی زیر صدارت کانفرنس کا انعقاد کیا گیا جس میں علاقائی سلامتی کی صورتحال ، پاک بحریہ کی آپریشنل تیاری اور اہلکاروں کی تربیت اور فلاح و بہبود کا جائزہ لیا گیا ہے۔

ترجمان پاک بحریہ کے مطابق کانفرنس میں پاک بحریہ کے مختلف دفاعی منصوبوں پر بریفنگ دی گئی۔

نیول چیف نے جدید ٹکنالوجی کے حصول کے ذریعے پاکستان نیوی کی صلاحیتوں اور آپریشنل تیاریوں کو بڑھانے کے لئے اٹھائے گئے اقدامات کو سراہا۔

انہوں نے پاک بحریہ کے کمانڈروں کو بارش سے متاثرہ علاقوں میں امدادی سرگرمیوں کے بارے میں ہدایت کی۔

یاد رہے کہ نیول چیف کی زیر صدارت کانفرنس میں فیلڈ کمانڈرز کی بذریعہ ویڈیو لنک شرکت گئی تھی۔