بی آر ٹی منصوبہ ناکام ہوگیا ہے جس کے بعد بس میں آگ لگنے کا واقعہ پیش آیا ہے۔

تفصیلات کے مطابق وزیراعلیٰ کے پی کے کامران بنگش نے کہا ہے کہ بی آر ٹی اسٹیشن نمبر 28 حیات آباد پر بس کے چھت پر آگ لگنے کا واقعہ پیش آیا جس کے تین منٹ کے اندر اندر ریسکیو آپریشن شروع ہوگیا تھا۔

کامران بنگش نے بتایا ہے کہ بس کو خالی کراکر ریسکیو آپریشن مکمل کرلیا گیا تھا جبکہ ریسکیو 1122 کی ٹیمیں بھی موقع پر پہنچ گئی تھیں۔

وزیراعلیٰ نے واضح کیا ہے کہ معاملے کی تحقیقات کیلئے انکوائری کمیٹی تشکیل دی گئی ہے

دوسری جانب ترجمان ٹرانس پشاور کا کہنا تھا کہ بی آر ٹی بس میں آگ لگنے کے فوری بعد آگ بجھانے والے عملے اور ریسکیو ٹیمیں روانہ کردی گئیں تھیں جس کے بعد تمام مسافروں کو باحفاظت اسٹیشن سے باہر نکال دیا گیا تھا۔

ان کا کہنا تھا کہ آگ لگنے کی وجوہات پر تفتیش تاحال جاری ہے لیکن کسی قسم کا جانی نقصان نہیں ہوا ہے تاہم آگ پر قابو پانے کے فوری بعد سروس عوام کہ لئے بحال کر دی جائیگی۔