پاکستان ایئر لائنز (پی آئی اے) نے 73 ویں یوم آزادی کے موقع پر کرایوں میں بڑی رعایت کا اعلان کر دیا۔

تفصیلات کے مطابق ترجمان پی آئی اے نے اپنے بیان میں کہا کہ 14 اگست جشن آزادی پیکج  کے طور پر کراچی، اسلام آباد اور لاہور کے درمیان کرائے میں 14 فیصد رعایت ہو گی۔

ترجمان پی آئی اے نے کہا کہ 73 ویں یوم آزادی کی نسبت سے ہر مسافر73 کلو سامان اپنے ساتھ مفت لے جا سکیں گے جبکہ اسکیم 7 اگست تا 14 اگست 2020 تک لاگو رہے گی۔

ترجمان پی آئی اے نے یہ بھی کہا کہ جشن آزادی پیکج کا مقصد اس تاریخی دن پر لوگوں میں خوشیاں بانٹنا ہے۔اس عظیم دن پی آئی اے قوم سے عہد کرنا چاہتی ہے کہ ہر مشکل وقت میں ہم اپنی قوم کے شانہ بشانہ کھڑے ہیں۔

پی آئی اے کے 63 ملازمین ملازمت سے فارغ

پی آئی اے کے ترجمان نے مزید کہا کہ پاکستان ایئر لائنز (پی آئی اے) نے ملتان، سکھر، گوادر سے یوم ازادی کے موقع پر فلائٹ آپریشن بحال کرنے کا بھی اعلان کر دیا ہے جبکہ 13 اگست سے ملتان، سکھر اور گوادر کو پروازوں کے ذریعے ملک کے دیگر شہروں سے منسلک کردیا جائے گا۔