نو سالہ پاکستانی طالبہ نے بھارتی پروفیسر کا عالمی ریکارڈ توڑ دیا۔

تفصیلات کے مطابق لاہور کی ہونہار پاکستانی طالبہ نطالیہ نے بھارتی پروفیسر کا پیریاڈک ٹیبل بنانے کا عالمی ریکارڈ توڑ دیا۔

گنیزورلڈ ریکارڈ نے پاکستانی طالبہ نطالیہ کو کم عمری اور کم سے کم وقت میں ریکارڈ قائم کرنے کے اعزاز سے بھی نوازا گیا۔

والدہ شینا کے مطابق نطالیہ نے پیریاڈک ٹیبل ریکارڈ 2 منٹ 42 سیکنڈ میں مکمل کیا۔

نطالیہ نے بھارتی کیمسٹری پروفیسر میناکشی اگروال سے 7 سیکنڈ کے فرق سے ریکارڈ بنایا ہے جبکہ میناکشی اگروال نے 2 منٹ 49سیکنڈ میں پیریاڈک ٹیبل کا ریکارڈ بنایا۔

پاکستانی طالبہ کے نام ” دی ڈیانا ایوارڈ “

گینز قوانین کے مطابق گنیز ورلڈ ریکارڈ کے چار ممبران نے 18 جولائی کو نطالیہ کا ریکارڈ بنتے براہ راست دیکھا اور29 جولائی کو گینز ورلڈ ریکارڈ کی جانب سے طالبہ کی کامیابی کا اعلان کیا گیا۔

والدہ نطالیہ کا کہنا ہے کہ بیٹی کا بچپن سے ہی سائنس کی طرف رجحان رہا ہے، وہ مستقبل میں بائیو کیمسٹ بننا چاہتی ہے۔

والدہ نطالیہ کا مزید کہنا ہے کہ کورونا لاک ڈاؤن کے دوران نطالیہ نے ٹیبل کے عناصر یاد کیے اور عالمی ریکارڈ بنا کر ملک کا نام روشن کیا۔

واضح رہے کہ پیریاڈک ٹیبل کا یہ اعزاز بھارت سے پہلے بھی ایک پاکستانی کے پاس تھا۔