سربراہ پاک فضائیہ ائیر چیف مارشل مجاہد انورخان نے کہا ہے کہ عصر حاضر میں درپیش چیلنجز اور ان سے منسلک حکمت عملی سے اچھی طرح آگاہ ہوکر ہی ہم پاک فضائیہ میں بہترین عسکری تربیت کے حصول کو ممکن بنا سکتے ہیں۔

  تفصیلات کے مطابق ائیر پاور سنٹر آف ایکسیلنس میں 53ویں کمبیٹ کمانڈرز کورس کی گریجویشن تقریب منعقد کی گئی، جس میں سربراہ پاک فضائیہ ایئر چیف  مارشل مجاہد انور خان اس تقریب کے مہمان خصوصی تھے۔

اس موقع پر ائیر چیف مارشل مجاہد انورخان نے کہا کہ کوئی بھی پیشہ ور فوج تعداد اورساز و سامان کی قلت کو اپنے عزم و ہمت اور بہتر تربیت سے متوازن کر سکتی ہے جبکہ بہترین نظم و ضبط اورکامریڈ شپ پاک فضائیہ کے نصب العین کی مؤثر تکمیل کے لئے ضروری ہیں۔

پاک فضائیہ بری اور بحری افواج کے شانہ بشانہ ہمہ وقت تیار ہے، ایئر چیف

سربراہ پاک فضائیہ ائیر چیف مارشل مجاہد انورخان نے مزید کہا کہ عصر حاضر میں درپیش چیلنجز اور ان سے منسلک حکمت عملی سے اچھی طرح آگاہ ہوکر ہی ہم بہترین عسکری تربیت  کے حصول کو ممکن بنا سکتے ہیں۔