کراچی کے علاقے اورنگی میں مومن آباد پولیس اسٹیشن پر دستی بم حمکہ کیا گیا ہے جس میں  2 اہلکار زخمی ہوئے ہیں۔

تفصیلات کے مطابق اورنگی ٹاؤن میں مومن آباد تھانے کے گیٹ پر دستی بم حملہ کیا گیا ہے۔

اس ضمن میں ایس ایس پی ویسٹ کا کہنا ہے کہ تھانے پر دستی بم حملہ نامعلوم ملزمان کی جانب سے کیا گیا تھا لیکن وہ باہر گیٹ کے قریب گرا۔

انہوں نے کہا ہے کہ حملے کے بعد پولیس کی بروقت فائرنگ سے ملزمان فرار ہوگئے لیکن پھر بھی ملزمان کی تلاش شروع کردی گئی ہے۔

ایس ایس پی ویسٹ نے یقین دہانی کرائی ہے کہ تھانے پر دستی بم حملے میں کوئی جانی نقصان نہیں ہوا ہے تاہم دو پولیس اہلکار خراشیں آنے سے معمولی زخمی ہوئے ہیں۔