وزیراعظم کے معاون خصوصی ڈاکٹر شہباز گل نے کہا ہے کہ ملک کو قرضوں کی دلدل میں دھکیل کر خاندانوں کی جانب سے عیاشیاں کی گئیں ہیں۔

تفصیلات کے مطابق معاون خصوصی برائے سیاسی روابط ڈاکٹر شہباز گل کی جانب سے مریم اورنگزیب کے بیان پر ردعمل ظاہر کیا گیا ہے۔

معاون خصوصی برائے سیاسی روابط ڈاکٹر شہباز گل نے کہا ہے کہ ملک کو گروی رکھ کر اپنے پیٹ بھرنے والے کرپٹ آدھے خاندان سمیت باہر چھپے بیٹھے ہیں نہاں تک کہ پلیٹ لیٹس کی تازہ ترین صورتحال کیا ہے جواب نہیں آیا ہے۔

میڈیا پر ڈھول بجانے سے منفی کارکردگی مثبت نہیں ہوجائے گی، مریم اورنگزیب

انہوں نے کہا ہے کہ سستی روٹی جیسے فلاپ پراجیکٹس دینے والے کورونا کا بہانا کر کے گھر بیٹھے ہیں اور ملک کو لوٹ کر اسحاق ڈار مفرور ہیں واپس آ کر جواب دینا گوارہ نہیں کرتے ہیں۔

ڈاکٹر شہباز گل نے مزید کہا ہے کہ ملک کو گروی رکھ کر قرصے لینے والے آج معاشی اشاروں پر بھاشن دے رہے ہیں اور صرف اتنا ہی نہیں بلکہ مہنگی ترین بجلی کے معاہدے کر کے کمیشن بنائے گئے تھے۔

انہوں نے کہا کہ کاروبار کا دیوالیہ نکال کر عوام کو بے روزگار کرنے والے آج بھوک کا رونا رو رہے ہیں جبکہ آپ نے ہمیشہ وہ پراجیکٹس بنائے جنکی وجہ سے آپکی جیب بھاری جبکہ حکومتی خزانہ خالی ہوتا رہا ہے۔