چیئرمین کشمیر کمیٹی شہریار آفریدی  کا کہنا ہے کہ سوشل میڈیا پر غیر پارلیمانی پوسٹ روکنے کیلئے ضابطہ اخلاق بنایا جائے۔

قومی اسمبلی اجلاس میں اظہار خیال کرتے ہوئے  چیئرمین کشمیر کمیٹی و پاکستان تحریک انصاف کے رہنما شہریار آفریدی   نے کہا کہ   جو کچھ اس ایوان سے سوشل میڈیا پر غیر پارلیمانی جاتا ہے وہ ہم سب کو بے توقیر کرتا ہے۔

شہریار آفریدی نے کہا کہ ایک ضابطہ اخلاق کمیٹی بنائیں۔  سردار ایاز صادق جیسے سینئرز اس ضابطہ اخلاق کمیٹی کو لیڈ کریں۔ جو ضابطہ اخلاق کی خلاف ورزی کرے اسے متفقہ طورپر ایوان سے اٹھا کر باہر پھینک دیا جائے۔

انہوں نے کہا کہ   سردار ایاز صادق سے ہمارا عزت و احترام کا رشتہ ہے۔دیگر سینئر پارلیمنٹرینز  کے ساتھ بھی احترام کا رشتہ ہے۔