نوجوانوں  کو روزگار کی فراہمی کیلئے حکومتی اقدامات میں تیزی آگئی ہے۔

تفصیلات کے مطابق وفاقی وزیر منصوبہ بندی اسد عمر اور معاون خصوصی عثمان ڈار کی ملاقات ہوئی جس میں ایک لاکھ نوجوانوں کو ٹیکنیکل ایجوکیشن کے ذریعے روزگار کی فراہمی پر مشاورت کی گئی۔

ملاقات میں ٹائیگر فورس کی نئی ذمہ داریوں سے متعلق پلان پر بھی تفصیلی بات چیت کی گئی جبکہ ملک میں تعلیمی ادارے کھلتے ہی ٹیکنیکل اور ووکیشنل ٹریننگ سیشنز شروع کرنے پر اتفاق کیا گیا۔

ملاقات میں عثمان ڈار نے کہا کہ کامیاب جوان پروگرام کے تحت بھی 10 لاکھ نوجوانوں کو روزگار دیا جائیگا جبکہ پروگرام سے رقم حاصل کرنے والے نوجوانوں نے کاروباری سرگرمیاں شروع کردی ہیں۔

مزید پڑھیں

کامیاب جوان پروگرام سے 10 لاکھ نوجوانوں کو روزگار ملے گا، عثمان ڈار

وزیراعظم سے معاون خصوصی عثمان ڈار نے کہا ہے کہ کامیاب جوان...

معاون خصوصی عثمان ڈارنے مزید کہا کہ وزیراعظم چاہتے ہیں نوجوانوں کا ملکی تعمیرو ترقی میں شراکت دار بنایا جائے جبکہ ٹائیگر فورس کو ای گورننس سسٹم کے ذریعے میدان میں اتارا جائیگا

اسد عمر نے عثمان ڈار سئ ملاقات میں کہا کہ نوجوان اثاثہ ہیں، ملکی معیشت کا پہیہ رواں رکھنے میں مددگار ثابت ہوں گے۔

وفاقی وزیرمنصوبہ بندی اسد عمر نے مزید کہا کہ کامیاب جوان پروگرام کیلئے حکومت ہر قسم کا مالی تعاون فراہم کرے گی۔