امیر جماعت اسلامی سینیٹر سراج الحق کا کہنا ہے کہ  ریلی پر حملہ کرنےوالے ملزمان کو ابھی تک گرفتار نہیں کیا گیا۔

تفصیلات کے مطابق سینیٹ اجلاس میں اظہار خیال کرتے ہوئے  امیر جماعت اسلامی سینیٹر سراج الحق کا کہنا تھا کہ  5اگست ’یوم استحصال کشمیر ‘کے موقع پر جماعت اسلامی کی ریلی پر کراچی میں دہشتگردی کا واقعہ ہوا۔

سراج الحق نے کہا کہ حملے میں  ہمارا ایک کارکن شہید ہوا جبکہ 37 کارکنان زخمی ہوئے۔

انہوں نے کہا کہ 5اگست سے لے کر اب تک وفاقی اور صوبائی حکومت نے کوئی پیش رفت رفت نہیں کی۔حکومت نے کوئی سنجیدہ کارروائی نہیں کی۔اس واقعے پر کابینہ میں بھی بات نہیں کی گئی۔

امیر جماعت اسلامی نے کہا کہ کراچی جیسے شہر میں دن دیہاڑے یہ واقع ہوا،کیا یہ واقع بھارتی خفیہ ایجنسی راء نے کروایا؟ہندوستان اس واقعہ  پر خوشیاں منا رہا ہے۔

چیئرمین سینیٹ نے معاملے پر آئی جی سندھ سے رپورٹ مانگ لی۔سراج الحق کی درخواست پر معاملہ سینیٹ قائمہ کمیٹی داخلہ کو بھجوا دیا گیا۔