وزیر خارجہ شاہ محمود قریشی چین کے ساتھ تزویراتی مذاکرات کے دوسرے دور کے لیے چین روانہ ہو گئے وہ چین پاکستان وزرائے خارجہ تزویراتی مذاکرات کے دوسرے دور میں پاکستان کی قیادت کریں گے۔

تفصیلات کے مطابق وزیر خارجہ شاہ محمود قریشی چین کے ساتھ تزویراتی مذاکرات کے دوسرے دور کے لیے چین روانہ ہو گئے ہیں۔

اس ضمن میں ترجمان دفتر خارجہ زاہد حفیظ چوہدری کے مطابق وزیر خارجہ سینئیر عہدیداروں کے ہمراہ دو روز کے لیے چین کے شہر ہینان کا سرکاری دورہ کر رہے ہیں جس دوران وہ چین پاکستان وزرائے خارجہ تزویراتی مذاکرات کے دوسرے دور میں پاکستان کی قیادت کریں گے۔

انہوں نے بتایا ہے کہ ان مذاکرات میں چین کی قیادت اسٹیٹ کونسلر اور چینی وزیر خارجہ وانگ ژی کریں گےچین پاکستان اسٹریٹجک ڈائیلاگ کا پہلا دور مارچ میں ہوا تھا۔

زاہد حفیظ چوہدری کا کہنا تھا کہ فریقین باہمی دلچسپی کے امور کورونا پر تعاون، دوطرفہ تعلقات اور بین الاقوامی امور تبادلہ خیال کریں گے۔

ترجمان دفتر خارجہ نے کہا کہ وزیر خارجہ کا یہ دورہ پاک چین تعلقات کو مزید مستحکم کرنے میں اہم کردار ادا کرے گا پاکستان اور چین قریبی دوست اور مضبوط شراکت دار ہیں۔