سول ایوی ایشن اتھارٹی (سی اے اے) کے ڈائیریکٹر جنرل ایئر مارشل (ر) محمد یوسف کی جانب سے ایک بڑا ایکشن لیا گیا ہے۔

تفصیلات کے مطابق سی اے اے کے ذرائع کے مطابق ڈی جی، سی اے اے کی جانب سے زبیر پراچہ کو سیکریٹری بورڈ کے عہدے سے ہٹاکر معطل کردیا گیا ہے۔

سی اے اے کے ذرائع کا کہنا ہے کہ زبیر پراچہ کی بطور سیکریٹری بورڈ کے  کارکردگی خراب ہونے پر ہٹایا گیا ہے جبکہ بورڈ اجلاس کے خفیہ نقاط افشا کرنے کا بھی زبیر پراچہ پر الزام ہے۔

ڈی جی سی اے اے کی جانب سے زبیر پراچہ کو سیکریٹری بورڈ کے عہدے سے معطل کرکے اسلام آباد روانہ کردیا گیا ہے۔

دوسری جانب ایڈیشنل ڈائیریکٹرعثمان سعید خان کو سیکریٹری سی اے اے بورڈ کا اضافی چارج دیا گیا ہے۔