لاڑکانہ میں آوارہ کتوں کے وار جاری ہیں، ایک روز میں مرد خاتون اور 8 بچوں سمیت دس افراد آوارہ کتوں کا شکار بن گئے۔

تفصیلات کے مطابق سندھ کے چوتھے بڑے شہر لاڑکانہ کے مختلف علاقوں میں آوارہ کتوں نے مرد اور خاتون سمیت 8 بچوں کو کاٹ کر زخمی کر دیا۔

ذرائع کا کہنا ہے کہ زخمی ہونے والوں میں نیو بس اسٹینڈ کا رہائشی 5 سالہ راجہ کھوسو، فیصل کالونی کے دو کزن شمشاد اور عمران،  شازیہ، عامر، 20 سالہ وسیم، 42 سالہ نواب سمیت 60 سالہ خاتون جتماں بھی شامل ہیں جبکہ تمام متاثرین کو اے آر وی ویکسین فراہم کر دی گئی ہے۔

 اے آر وی سینٹر انچارج کے مطابق صرف آج کے روز کتے کے کاٹے کے 30 کیسز آئے ہیں جن میں 10 نئے اور 20 فالو اپ کیسز ہیں جبکہ آوارہ کتوں نے بچوں کو چہرے، سر ماتھے، بازو اور کمر پر کاٹا ہے۔

لواحقین کا کہنا ہے کہ متعدد واقعات کے باوجود متعلقہ ادارے کوئی نوٹس اور اقدامات لینے کو تیار نہیں ہیں۔

واضح رہے کہ اس سے قبل صوبہ سندھ میں اوارہ کتوں کی تعداد میں اضافے کے باعث کتوں کے کاٹنے باعث روز بہ روز اضافہ ہوتا جارہا ہے۔

کتےکےکاٹنےسےنئےسال میں پہلی ہلاکت

یاد رہے کہ کندھکوٹ میں بھی تنگوانی شہر میں بھکاری بچوں پر آوارہ کتوں نے حملہ کردیا تھا جبکہ آوارہ کتوں نے وحید نامی بچے کو کاٹ کاٹ کر شدید زخمی کردیا جبکہ کتوں کے خوف سے عمر فاروق نامی بچے نے پانی کے تالاب میں چھلانگ لگادی تھی۔

کتوں کے خوف سے تالاب میں چھلانگ لگانے والا بچہ ڈوب کر جاں بحق ہوگیا جبکہ علاقہ مکینوں نے ڈوبنے والے بچے کی نعش تالاب سے نکال کرورثاء کے حوالے کردی تھی۔