سابق وزیراعظم سید یوسف رضا گیلانی نے کہا ہے کہ ملک کے استحکام کے لئے ہمیں بھی یکجا ہو کر پاکستان کو مضبوط بنانا ہوگا۔

تفصیلات کے مطابق سابق وزیراعظم سید یوسف رضا گیلانی نے 14 اگست کے موقع پر ویڈیو پیغام میں کہا کہ 14 اگست کے حوالے سے پوری قوم کو مبارک پیش کرتا ہوں۔

سابق وزیراعظم نے کہا کہ قائداعظم اور ان کے رفقاء کے  تاریخی کارنامے کا آج یادگار دن ہے، پوری دنیا میں لوگ کہتے ہیں ہمیں امریکن ، برٹش اور دیگر ممالک کا شہری ہونے پر فخر ہے۔

اپنے بیان میں سید یوسف رضا گیلانی نے یہ بھی کہا کہ قائداعظم اور ان کے رفقاء نے اپنی جدوجہد کے ذریعے آزاد ملک بنانے میں کامیابی حاصل کی جبکہ ملک کے لئے قربانیاں دیں۔

سابق وزیراعظم سید یوسف رضا گیلانی نے مزید کہا کہ مجھے دکھ ہوتا ہے کہ ہمارے ملک میں یونٹی کا تصور پورا نہیں ہے، کوئی خود کو سندھی، پنجابی، بلوچی،  سرائیکی یا پختون کہتا ہے جبکہ یہ کوئی نہیں کہتا کہ میں پاکستانی ہوں، ہم سب کو پاکستانی ہونے پر فخر کرنا چاہیے

14 اگست ۔۔۔۔۔۔ ملک بھر میں آزادی کا جشن

یاد رہے کہ ملک بھر میں 14 اگست آزادی کے طور پر خوب جوش و خروش سے منایا جارہا ہے ، ملک کے ہر کونے میں ’پاکستان زندہ باد‘ نے نعرے لگائے جارہے ہیں اور آزادی کا جشن ہر ایک اپنے اپنے انداز میں منارہا رہے۔

ملک بھر میں یوم آزادی جوش و خروش  سے منایا جارہا ہے، کراچی سے خیبر، مہران سے بولان، پوری قوم ہوگئی یک زبان ہوگئی ہے اور سب کے لبوں پر دل دل پاکستان کی صدائیں، پاکستان زندہ باد۔

یہ دن ہمیں قائداعظم محمد علی جناح ؒ کی ولولہ انگیزقیادت میں اپنے آباﺅ اجداد کی بے شمار قربانیوں کی یاد دلاتا ہے، یہ دن ہمیں کارکنانِ تحریک پاکستان کے نظریات پر قائم رہنے کے عزم کی تجدید اور ان کی جدوجہدکو خراج تحسین پیش کرنے کا موقع فراہم کرتا ہے۔