جنوبی پنجاب میں 12سیکرٹریز تعینات کرنے کی منظوری دے دی گئی ہے۔

تفصیلات کے مطابق وزیراعلیٰ پنجاب عثمان بزدار نے اہم اقدام اٹھاتے ہوئےجنوبی پنجاب میں 12سیکرٹریز تعینات کرنے کی منظوری دےدی۔

وزیراعلیٰ پنجاب کا کہنا ہے کہ جنوبی پنجاب میں الگ سیکرٹریز تعینات کرنے سے مسائل عوام کی دہلیز پر حل ہوں گے،تعینات ہونےوالے سیکرٹریز جنوبی پنجاب میں بیٹھیں گے،جو مکمل اختیارات کے ساتھ فرائض انجام دیں گے۔

ذرائع کا کہنا ہے کہ محکمہ سروسز اینڈ جنرل ایڈمنسٹریشن ڈیپارٹمنٹ کو نوٹیفکیشن جاری کرنے کا حکم دے دیاگیا ،جس کے مطابق سیکرٹری سروسز، سیکرٹری وائلڈ لائف، سیکرٹری آبپاشی تعینات ہوں گے۔

ذرائع کا مزید کہنا ہے کہ سیکرٹری سروسز، سیکرٹری وائلڈ لائف، سیکرٹری آبپاشی،سیکرٹری انرجی ، سیکرٹری مواصلات اور سیکرٹری سپورٹس جنوبی پنجاب بھی تعینات ہوں گے۔