پاکستان کو عالمی وباء سے نمٹنے کی بہترین حکمت عملی اختیار کرنے پر اقوام متحدہ کی جانب سے عالمی سرٹیفکیٹ مل گیا ہے۔

تفصیلات کے مطابق اقوام متحدہ کے صدر وولکن بوزکر نے علامی وبا سے نمٹنے کی پاکستانی کی جانب سے اختیار کی جانے والی حکمت عملی کو دنیا کے لئے مثال قرار دے دیا گیا ہے۔

 صدر اقوام متحدہ نے کہا ہے کہ کورونا وائرس سے نمٹنا دنیا بھر کےممالک کے لیے چیلنج ہے لیکن پاکستان اس عالمی وبا سے بہترین انداز سے نبرد آزما ہوا ہے۔

 وولکن بوزکر  نے کہا ہے کہ دنیا کو عالمی وباء سے نمٹنے کے لیے پاکستان کی کوششوں سے سیکھنے کی ضرورت ہے کیونکہ اعداد و شمار ظاہر کرتے ہیں پاکستان کی جانب سے باقی دنیا سے بہتر اقدامات اٹھائے گئے ہیں۔

پاکستان اقوام متحدہ کے امن مشنز کا کلیدی حصہ ہے، وولکن بوزکر

اقوام متحدہ کے صدر نے کہا ہے کہ پاکستان کے دورے پر اپنی آنکھوں سے اس تمام تر صورتحال کا مشاہدہ کر کے بہت خوشی ہوئی ہے۔

یاد رہے کہ اس سے قبل وزیرخارجہ شاہ محمود قریشی نے اقوام متحدہ کی جنرل اسمبلی کے نو منتخب صدر وولکن بوزکر سے ملاقات کے بعد ان کے ہمراہ پریس کانفرنس کی۔

وولکن بوزکر کو کشمیر کے حوالے سے کی جانے والے کاوشوں کے حوالے سے بھی بریفنگ دی گئی جبکہ افغانستان کے حوالے سے گفتگو بھی ملاقات کا حصہ رہی۔انٹرا افغان مذاکرات پر تفصیلی تبادلہ خیال اور قیدیوں کی رہائی کے بارے میں بھی گفتگو ہوئی۔

وولکن بوزکر کا کہنا تھا کہ   پاکستان برادر اسلامی ملک ہے اور یہاں کا دورہ باعث مسرت ہے۔پاکستان اور ترکی کے مابین تعلقات صدیوں پر محیط ہیں۔پرتپاک خیرمقدم پر پاکستان کا شکر گزار ہوں۔

انہوں نے مزید کہا کہ  اقوام متحدہ کے تناظر میں بھی یہ دورہ انتہائی اہم ہے۔پاکستان غیروابستہ تحریک، او آئی سی اور دیگر گروپس کا حصہ ہے۔پاکستان اقوام متحدہ کے امن مشنز کا بھی کلیدی حصہ ہے۔

اقوام متحدہ جنرل اسمبلی کے صدر نے کہا کہ پاکستان کے سفیر فاروق خان کو اپنی کابینہ کے نائب چیف کے طور پر چنا ہے۔ پاکستان کے مستقل مندوب منیراکرم کی بھرپور معاونت بھی حاصل ہے۔

وولکن بوزکر نے کہا کہ  میں نے کچھ عرصہ قبل پاکستان کے دورے پر آنا تھا لیکن کچھ معاملات کی وجہ سے تاخیر ہوئی۔پاکستان کا دورہ کرکے خوشی محسوس کر رہا ہوں۔پاکستان اقوام متحدہ کا اہم ملک ہے۔