بھارتی قابض افواج کی جانب سے ایل او سی پر جنگ بندی معاہدے کی خلاف ورزیاں،پاکستان نے بھارتی ہائی کمیشن کے سینئر سفارتکار کو دفتر خارجہ طلب کردیا۔

ترجمان دفتر خارجہ کے مطابق ایل او سی کے ڈھڈنیال سیکٹر پر بھارتی افواج کی جانب سے سیز فائر کی خلاف ورزی پر پاکستان نے بھارتی سفارتکار کو  دفتر خارجہ طلب کرکے شدید احتجاج ریکارڈ کرایا۔

ترجمان دفتر خارجہ کا کہنا ہے بھارت کی اشتعال انگزیزی خطے میں امن و سلامتی کے لیے خطرہ ہے۔

14 اگست کو ڈھڈنیال سیکٹر پر بھارتی افواج کی فائرنگ سے ایک خاتون شہری شدید زخمی ہوئی تھیں۔

ترجمان ترجمان دفتر خارجہ کا کہنا ہے رواں برس بھارت 1980 بار جنگ بندی کی خلاف ورزیاں کر چکا ہے جس میں 16 شہری شہید اور 161افراد زخمی ہو چکے ہیں۔

ترجمان دفتر خارجہ کا کہنا ہے کہ بھارتی فورسز لائن آف کنٹرول، ورکنگ باؤنڈری پر مسلسل نہتی شہری آبادی کو نشانہ بنا رہی ہیں۔

ترجمان دفتر خارجہ کا مزید کہنا ہےبھارت کا معصوم شہریوں کو جان بوجھ کر نشانہ بنانا قابل مذمت ہے۔بھارت ان حرکتوں سے مقبوضہ کشمیر کی صورتحال سے دنیا کی توجہ نہیں ہٹا سکتا۔

ترجمان دفتر خارجہ نے کہا کہ بھارت اقوام متحدہ سلامتی کونسل کی قراردادوں پر عمل درآمد یقینی بنائے ۔نہتے شہریوں کو نشانہ بنانا عالمی قوانین اور اقدار کے منافی ہے۔