امیر جماعت اسلامی سراج الحق نے 16 اگست کو ملک بھر میں یوم فلسطین منانےکا اعلان کردیا اور کہا اسرائیل کے ساتھ معاہدہ پوری مسلم دینا کے لیے سانحہ ہے۔

سراج الحق نے کہا ہے کہ اسرائیل کے ساتھ یو اے ای کا معاہدہ مسلم امہ کو تقسیم کرنے کو سازش ہے، یہ فیصلہ کر کے لاکھوں فلسطینیوں کے خون اور اُن کے مفادات سے بے وفائی کی گئی ہے۔

معاہدے پر اپنے سخت ردعمل میں امیر جماعت اسلامی سراج الحق نے  کہا 16 اگست کو فسلطینی عوام کے ساتھ اظہار یکجہتی کے طور پر منایا جائے گا، ملک بھر میں ریلیاں نکالی جائیں گی۔

ان کا کہنا تھا کہ عوام اسرائیلی ریاست کو استحکا م دینے کے لیے یو اے ای کے اس سفارتی تعلقات کے معاہدہ کو مسترد کرتی ہے ۔

 انہوں نے حکومت سے مطالبہ کیا کہ او آئی سی کا اجلاس طلب کیا جائے، سراج الحق نے متحدہ عرب امارات پر زور دیا جاۓ کہ کہ وہ اُمت مسلمہ کو تقسیم نہ کرےاور معاہدے پر نظرثانی کرے۔ امیر جماعت کا کہنا تھاکہ  امریکی صدر ے دوبارہ انتخاب جیتنے کے لیے امت مسلمہ پر شب خون مارا ہے۔

یاد رہے کہ گزشتہ روز متحدہ عرب امارات اور اسرائیل کے درمیان تاریخی امن معاہدہ طے پا گیا تھا جس کے بعد اسرائیل  فلسطینی علاقوں میں یہودی آباد کاری روکنے کا پابند ہوگیا ہے۔

معاہدے کے مطابق امریکا اور متحدہ عرب امارات، اسرائیل سے دیگر مسلم ممالک سے بھی تعلقات قائم کرنے کے لیے مل کر کام کریں گے، اسرائیل سے امن کرنے والے ممالک کے مسلمان مقبوضہ بیت المقدس آ کر مسجد اقصیٰ میں نماز پڑھ سکیں گے۔

امریکہ کے صدر ڈونلڈ ٹرمپ نے اعلان کیا ہے کہ اسرائیل اور متحدہ عرب امارات نے باہمی تعلقات کو بہتر بنانے پر اتفاق کر لیا ہے۔

امریکی صدر ڈونلڈ ٹرمپ نے ٹوئٹر پر پوسٹ میں کہا ہے کہ آج ہمارے دو عظیم دوستوں اسرائیل اور متحدہ عرب امارات کے درمیان تاریخی امن معاہدہ ہوگیا ہے۔