کراچی میں آسمانی بجلی گرنے سے 2 افراد جاں بحق ہوگئے۔

تفصیلات کے مطابق کراچی کے علاقے میمن گوٹھ میں رکن الدین فارم ڈملوٹی روڈ پرآسمانی بجلی گرنے سے 2 شخص جاں بحق ہوگئے ہیں۔

ذرائع کا کہنا ہے کہ آسمانی بجلی گرنے سے جابحق ہونے والوں کی شناخت شاہ نواز ولدیت رشید ملاح اور سلطان ولدیت کریم بخش ملاح کے ناموں سے بتائی گئی ہے۔

 دوسری جانب کراچی میں تیز بارش کے بعد مختلف سڑکوں پر پانی جمع ہونے سے شدید ٹریفک جام ہوگیا ہے۔

ناگن چورنگی، گرومندر سے تین ہٹی ، نیپا سے سفاری پارک ، انچولی سے سہراب گوٹھ ، بلوچ کالونی سے عوامی مرکز، محمود آباد سے نرسری ، ڈرگ روڈ سے میلینیم مال  پر شدید ٹریفک جام ہے۔

مزید پڑھیں

تھر، آسمانی بجلی گرنے سے 2 افراد جاں بحق

  صحرائے تھر میں بارش کے دوران  آسمانی بجلی گرنے سے دو...

اس کے علاوہ  جناح بریج ، ریجنٹ پلازہ سے عائشہ باوانی ، تبت سینڑ سے صدر موبائل مارکیٹ تک بھی ٹریفک کی روانی شدید متاثر ہے۔

ٹریفک پولیس سڑکوں پر ٹریفک کی روانی کو برقرار رکھنے میں مصروف ہے۔